الباك لينك أم السوشيال سيجنالز أيهما أهم لموقعك؟.. اكتشف طرق جديدة في السيو

لكن؟؟  أكبر مشكلة إن موضوع “بناء” اللينكات ده بيعتبر “سبام” اللي هوا مينفعش يعني ولا يُعقل إن 50 ألف موقع يشير لموقعك فجأة كده، في يوم وليلة، بصراحة صعب ومش مبلوعة بالنسبة لمحركات البحث، عمرها م هتيجي بشكل طبيعي بالكم الهائل من الباكلينكات اللي إحنا بنسمع عنه.

احصل على 250 ألف باكلينك في مقابل كذا، طبعًا الكلام ده “إسبام” بالُثلث، ولو كان ليه نتيجة مؤقتة، فهو حتمًا هيضر موقعك لا محالة خصوصا على المدى البعيد، ومع أول تحديث جديد لجوجل هتقول على موقعك “كان عندي سايت وراح” للأسف دا كتير من مشرفي المواقع والبلاك هات سيو مش بيفهموه.

دا مش معناه إنك متبنيش باك لينكات ولا تهمل العامل دا لأ طبعا، لسه بقولك إنه فعلا مهم، بس لازم برضو يبان إنه طبيعي، من وقت للتاني حاول تبني باك لينك واحد إتنين، ممكن خلال الشهر يكون تبني 2 مثلا أو 3 بالكتير، وصدقني دا هيكون مفيد جدا جدا جدا بالنسبة للموقع بتاعك، ومش هيبان أبدًا إنه “إسبام”.

لازم طريقة بناء الباكلينك تبان طبيعية 100% ويحس جوجل أو أي محرك بحث تاني إنك عامل ده بشكل غير مقصود وإنك ياعيني بريء ومضطر تعمل الباك لينك، الفكرة بقى إزاي؟؟. هقولك على طريقة واحدة وإنت حاول تفكر وتبتكر في الطرق التانية مع نفسك بقى.

بناء الباك لينك من مواقع الفري لانسر

بناء الباك لينك من مواقع الفري لانسر

الفكرة هنا إنك لازم تقوم بإنشاء “مشروع” حقيقي أو لازم يبان كده، هتكتب تفاصيل المشروع وهتكتب “الموقع” بتاعك، مع الوقت والشغل، وتقديم الفريلانسرز ورغبتهم ي انهم يشوفوا السايت جوجل هيحسبلك “باك لينك” ودا امر طبيعي جدا لأنك متعمدتش تعمل ده لمجرد بناء الباكلينك ( إنت ياعيني بتدور على حد يعمل بروجكت للسايت بتاعك ) وإنت مضطر تكتب إسم الدومين.

الفكرة دي متجربة ونتيجتها حلوة، وعندك مواقع فري لانسر كتير، مستقل وخمسات وفيفر وفري لانسر واب وورك، تقدر كل شهر تشتغل على سايت منهم هتضمن بعد فترة إنك عملت كام باك لينك محترم وحلو وطبيعي.

السوشيال سيجنالز: الفرق بين الباك لينك و السوشيال سيجنالز كبير جدا رغم ان ممكن يكون متشابهين في إن الطريقتين بيكون فيهم إشارة للموقع بتاعك، لكن بصراحة إن يجيلك 10 آلاف “إشارة” من فيسبوك وتويتر في يوم واحد، ممكن يكون طبيعي ومنطقي ومقبول لو انت بتتناول تريند مثلا، لكن اللي مش مقبول أو طبيعي إن يجيلك 10 آلاف باك لينك من مواقع غير مواقع السوشيال، فعشان كده خليك حذر وإنت بتعمل باك لينك لكن دوس براحتك في السوشيال سيجنالز.

كيف أعرف عدد الإشارات ( السوشيال سيجنالز ) اللي جات لموقعي؟، سهل جدا جدا، إنت هتفتح محرك البحث جوجل وهتكتب:

site://twitter.com  your domain

site://facebook.com your domain

 

على سبيل المثال:

كيف أعرف عدد الإشارات ( السوشيال سيجنالز ) اللي جات لموقعي؟، سهل جدا جدا، إنت هتفتح محرك البحث جوجل وهتكتب:

 

فيه طرق كتيره تقدر تزود بيها عدد الإشارات اللي بتيجي لموقعك ( سواء من فيسبوك – تويتر – جوجل بلس ) وغيرهم، شرحت قبل كده إزاي تجيب إشارات لموقعك من “تويتر” عن طريق إستخدام موقع TweetChat على بيدج فيسبوك بلانز وإنهارده هشرح إزاي تجيب إشارات للسايت بتاعك من ( جوجل بلس ) بإستخدام موقع Awar.io والطريقة كالتالي:

إزاي أكسب إشارات من “جوجل بلس” بإستخدام موقع “أوار” ؟ ( تحسين السوشيال سيجنالز )

إزاي أكسب إشارات من "جوجل بلس" بإستخدام موقع "أوار" ؟ ( تحسين السوشيال سيجنالز )

أول حاجة إنت أكيد هتعمل حساب عالسايت بالإيميل بتاعك وتشترك Free زي م بتسجل في أي سايت، مافيشششش مشكلة هنا.

الباك لينك أم السوشيال سيجنالز أيهما أهم لموقعك؟ اكتشف طرق جديدة في السيو

بعد كده إنت هتختار كلمة مفتاحية أو عدد من الكلمات المفتاحية براحتك، اللي عايز تجمع على اساسهم منشورات جوجل بلس، زي م هوا واضح في الصورة تمام.

الباك لينك أم السوشيال سيجنالز أيهما أهم لموقعك؟ اكتشف طرق جديدة في السيو

 

هتختار google و web بس زي ماهو موجود في الصورة، هتعلّم عليهم وبعدين تدوس Save .

الباك لينك أم السوشيال سيجنالز أيهما أهم لموقعك؟ اكتشف طرق جديدة في السيو

أخيرًا بقى هيظهرلك زي ماموجود في الصورة كده بالظبط، هتلاقي كل المنشورات اللي موجوده في جوجل بلس المتعلقة بالكلمة المفتاحية اللي  انت كتبتها في الأول، إنت بقى كل اللي عليك هتكتب تعليق وتتفاعل مع أهم المنشورات دي، ومع كل تعليق هتسيب لينك للمقال بتاعك اللي عايز تعمله “إشارة” من جوجل بلس.

كل يوم شوف من 5 : 10 منشورات على جوجل بلس من موقع “أوار” واتفاعل معاهم، بالظبط زي م هتشتغل وتجيب سوشيال سيجنالز من “تويتر” بإستخدام موقع “تويت شات”، اشتغل كل يوم على المواقع دي وادعيلي.

شكرًا 🙂

 



× مرحبًا، راسلنا واتساب الآن