5 نصايح عشان تجنب موقعك “خطر” تحديث جوجل الجديد

مبدئيًا، ده أول مقال – بالعامية – بننشره عالسايت بتاعنا، يمكن دي أول تجربة ويارب تكون ناجحة بقى، أكيد كلكم سمعتوا عن تحديثات جوجل – سواء تحديث البطريق أو جوجل باندا – وسواء التحديثات المعلن عنها أو اللي بتحصل من غير م حد بياخد باله إلا لما بيشوف نتيجة تأثير التحديث ده على موقعه.

إنهارده بقى هنتكلم عن تحديث جديد لجوجل (يوم 28 الشهر الحالي) والمعلومة دي بيتكلم عنها كل خبراء السيو الأجانب (مصدر موقع Search Engine Journal – Search Engine Land) والتحديث ده هيتناول كام نقطة (من أهم الحجات اللي جوجل بيهتم بيها دايمًا) من بناء الباكلينكات أو المحتوى أو غيره، فطبعا أي موقع بيشتغل إسبام بننصحك تخلي بالك وتهدى شوية لحد آخر الشهر.

بنقدملك 5 نصايح (من بلانز) عشان تجنب موقعك خطر التحديث ده، بدل م تتعاقب وموقعك يطير – لا قدر الله – فإقرأ بإهتمام بقى واتوكل على الله.

راجع محتوى موقعك

5 نصايح عشان تجنب موقعك "خطر" تحديث جوجل الجديد

من الحاجات اللي جوجل دايمًا مهتم بيها هو المحتوى، وطبعا عشان تتجنب عقاب جوجل والنتايج السلبية للتحديث الجديد لازم تتأكد إن محتوى موقعك حصري 100% مش منسوخ بأي شكل من الأشكال، يا ريت كمان تراجع الأخطاء اللغوية والإملائية لأنها مهمة برضو، بشكل عام لازم محتوى الموقع يكون perfect بالإضافة للنقطة دي أحب أقولك إن كمان “المضمون” مهم، بصراحة فيه 3 نقط مهمين عايزك تخلي بالك منهم وانت بتـ Create Contnet.

أول نقطة: المضمون، مهم جدا إنك تهتم بمضمون المقال بتاعك، إنه يضيف قيمة ويفيد اليوزرز بتوعك.

تاني نقطة: الشكل، وتنسيق الموضوعات بتاعتك، من عنوان، ومقدمة، ومتن على شكل فقرات منتظمة، ثم خاتمة وملخص، مهم جدا إنك تخلي شكل موضوعاتك منظمة.

تالت نقطة: الصياغة والأسلوب، طبعا لازم تصيغ موضوعاتك وتكتبها بأسلوب حلو مقبول بالنسبة للمستخدمين ومتابعين موقعك.
تعرف على كل شيء يخص المحتوى من ( مدونة بلانز لكتابة المحتوى )

تخلص من الروابط الـ Spam

5 نصايح عشان تجنب موقعك "خطر" تحديث جوجل الجديد

بناء الباكلينكات بصراحة من الأمور اللي جوجل بيكرهها جدًا وبيعتبرها سبام، لأنها المفروض تتم بشكل طبيعي وان المواقع فعليًا تشير لموقعك من نفسهم من غير أي شيء منك ولا دور إلا إنك تكتب محتوى يستحق إن المواقع تشير ليك بسببه، لكن فيه بعض مشرفي المواقع وخبراء السيو بيعملوا الباكلينكات دي وبيفيدوا موقعهم من غير م جوجل بياخد باله عادي، لكن المهم إن الموضوع ميبنش إنه سبام، طيب لو عندك روابط إسبام كتير وعايز تتخلص منها عشان تحديث جوجل الأخير ميجيش جنب موقعك، تقدر تستخدم الأداة دي ( تخلص من روابط السبام ) وتنصل من أي روابط ممكن تضر موقعك.

خلي موقعك Mobile Friendly

5 نصايح عشان تجنب موقعك "خطر" تحديث جوجل الجديد

أكتر من 80% من مستخدمي الإنترنت بيستخدموه من خلال الموبايل، ودا بيركز إهتمام جوجل بإن المواقع تكون موبايل فريندلي، يعني متوافقة مع الموبايل، فمهم جدا إن موقعك يكون متوافق مع الموبايل من كل حاجه ودي نقطة مهمة جدا جوجل بيفاضل على أساسها بين المواقع.

تأكد أن موقعك متوافق مع الموبايل من خلال ( هل موقعك متوافق مع الموبايل؟ )

ظبّط سرعة موقعك

5 نصايح عشان تجنب موقعك "خطر" تحديث جوجل الجديد

لازم وحتمًا موقعك يكون سريع، بشكل بسيط جدا فيه دراسة بتقول إن اليوزر بيخرج من الموقع البطيء ومش بيستنى عشان يفتح، بمعنى تاني إن ربما في ظرف 3 ثواني لو موقعك مفتحش، المستخدم هيخرج على طول ومش هيصبر، ودا بيأثر على الـ Bounce Rate أو معدل الإرتداد الخاص بالموقع بتاعك.

شوف موقعك سريع ولا لأ من هنا ( كيف أقيس سرعة موقعي ؟)

شوف الـ User Experience

5 نصايح عشان تجنب موقعك "خطر" تحديث جوجل الجديد

هوا جوجل بيعمل كل ده ليه؟ مهو عشان المستخدم وعيون المستخدم، طب ماتيجي تشوف المستخدم نفسه بيحب إيه وتفكك من جوجل، مهو لو انت رضيت المستخدم جوجل أكيد هيكون راضي، مثلا مثلا ( اليوزر عايز يستفيد من محتوى كويس، بيضيف ليه وبيقدمله قيمة وحاجه مفيدة، متكتبش وخلاص، لازم تحل مشكلة وتقدم جديد، اليوزر عايز موقع سريع وديزاين حلو ) الأكيد إنك لازم تدور وتبحث المستخدم عايز إيه وتعمله عشان تقدر تجنب موقعك أضرار  أي تحديث سواء اللي جي ده أو غيره.

تعرف على أي جديد يخص السيو من خلال مدونة بلانز لكتابة المحتوى العربي



× مرحبًا، راسلنا واتساب الآن